Fiskiflotin skal tillagast

27. august 2015



Fiskifrøðingar meta, at tað eru óneyðuga nógv fiskifør í fiskivinnuni. Um fiskiflotin minkaði niður í eina helvt, vil sama mongd av fiski koma upp á land.

Hvørt ár mugu vit tí útrokna lutfallið millum veiðiorku og fiskatilfeingi. Í miðal yvir t.d. 5 ár skal tað vera samsvar.

Vit fáa mest úrtøku, um fiskiflotin er so lítil sum gjørligt, men samstundis klárar at fiska allan fiskin.

Dømi um roknistykki
Á hvørjum ári skulu vit rokna út veiðiorkuna av flotanum í mun til fiskatilfeingi. Hetta roknistykkið kundi t.d. sæð soleiðis út:
 

Ár

Veiðiorka

 %

Ov nógv

veiðiorka %

Viðmerking

2010

200

100

100% yvirkapacitetur

2011

203

103

 

2012

190

90

 

2013

180

80

 

2014

170

70

 

2015

160

60

 

2016

150

50

50% yvirkapacitet

2017

140

40

 

2018

130

30

 

2019

120

20

 

2020

110

10

10% yvirkapacitet.

2021

100

0

Javnvág Veiðuorka/Skip

 
Talvan vísir eitt hugsað dømið, har veiðuorkan á flotanum verður útroknað.

Um veiðuorkan er 100%, so klárar flotin akkurát at fiska allan fiskin. Um veiðiorkan er 200%, so hava vit dupulta veiðuorku í mun til, hvat er neyðugt.

Spurningurin er nú, hvør tann optimala støddin á flotanum er. Tað optimala punktið liggur, har samsvar er millum fiskanøgd og veiðuorku, t.v.s í hesari talvu har veiðuorkan er um 100-110 %.

Hví rokna vit ikki út, hvussu nógv veiðuorka er í føroyska flotanum hvørt ár? At vit hava alla hesa veiðuorkuna merkir, at vit søpla virðini í fiskivinnuni burtur.

Niðurstøða
Vit skulu hvørt ár at rokna út veiðiorkuna í fiskiflotanum.

Vit kunnu ikki góðtaka, at okkara virði verða søplað burtur av einum flota, ið tjenar alt ov lítið, av tí, at alt ov nógvir fiskifør eru.

Tað er ein landsuppgáva at tvinga fiskiflotan at hava eina hóskandi stødd. Landið kann til dømis regulera við at seta eitt kiloavgjald á veiðuna, so at tann tyngsti parturin av flotanum verður lagdur.

Martin Pauli Jacobsen
Valevni Sambandsfloksins til løgtingsvalið


RN


Aftur