Parkeringsviðurskiftini í Tórshavn

20. oktober 2020

Parkeringsviðurskiftini í Tórshavn eru út av lagi vánalig.

 

Men, hvussu kann hesin trupulleikin loysast - tað kann hann loysast við m.a. parkeringshúsum.

 

Tað hevur í alt ov langa tíð bara verið hugsað vatnrætt, nú má hugsast loddrætt, niðureftir ella uppeftir.

 

Á Skálatrøð kundi verði bygt eitt parkeringshús, 2 ella 3 hæddir, uttan at grannarnir har rundanum missa útsýnið.

 

Undir Svínaryggi kundi verði sprongt inn í bergi og síðani bygt eitt parkeringshús á 3 - 4 hæddir - koyrt inn í neðra og útkoyring í erva (har hon er nú).

 

Rundan um ítróttarøkini er heldur ikki nógv parkeringspláss. À Hálsi er sera trongt til tíðir. Har eru nakri møguleikar, ein er at gera parkeringshús á parkeringsøkinum við svimjihylina og ein hædd kundi eisini verði gjørd omaná parkeringsplássið við høllina á Hálsi.

 

Á Argjum er ikki framkomandi fyri parkeraðum bilum, tá fótbóltsdystur er, har kundi eisini verði gjørt okkurt liknandi niðanfyri vøllin.

 

Gott val!

 

X við Jens Knudsen á lista B

 

Jens Knudsen

valevni Sambandsfloksins til býráðsvalið í Tórshavnar kommunu

RN

Back