Johan Dahl fingið svar um foreldramyndugleikalógina

11. februar 2022



Svar uppá § 52 a fyrispurning nr. 52-120/2021 frá Johan Dahl, løgtingsmanni, settur landsstýrismanninum í almannamálum Sólvit E. Nolsø um foreldramyndugleikalógina

 

Fyrispurningurin ljóðar soleiðis:

 

Spurningar:

 

1. Hvussu langt eru fyrireikingarnar komnar við at dagføra foreldramyndugleikalógina, herundir at veita felags foreldramyndugleika millum mammu og pápa?

 

2. Nær væntar landsstýrismaðurin at leggja lógaruppskot fyri Løgtingið um broytingar í foreldramyndugleikalógini?

 

Svar:

Landsstýrismaðurin er í ferð við at leggja síðstu hond á dagføring av foreldramyndugleikalógini.

 

Ætlanin er, at Løgtingið skal viðgera uppskot til broyting í foreldramyndugleikalógini í hesi tingsetuni.

 

Landsstýrismaðurin miðar ímóti, at endaliga uppskotið verður sent Løgtinginum áðrenn freistina fyri uppskot, ið skulu viðgerast í hesi tingsetuni, sum er 28. februar.

 

 

Almannamálaráðið, 11. februar 2022

 

Sólvit E. Nolsø

landsstýrismaður

 


RN


Back