Fólkaræði er gjøgnumskygni

“Tað er í trúnaði” .... Politikkarar dáma sera væl, tá okkurt er í trúnaði - og eisini landsstýrisfólk.

Men tann stórsta ábyrgdin av øllum í einum fólkaræði er at tryggja gjøgnumskygni og at øll tey, sum gjalda skatt, vita hvat vendir upp og hvat vendir niður.

Eg hoyri nú ein landsstýrismann siga fylgjandi við KVF:

- Tað er sera týdningarmikið, at málið um samstarv við Russland, verður viðgjørt í trúnaði. Tí skal málið bara viðgerast í Uttanlandsnevndini og ikki í Løgtinginum. Tað sigur Høgni Hoydal, landsstýrismaður í uttanríkismálum.

Hetta kann sjálvandi aldrin góðtakast í einum fólkaræði - um Løgtingið ikki sleppur at viðgera slíkt álvarsmál, so hava vit tikið okkara fólkaræði burtur.

Kaj Leo Holm Johannesen

løgtingsmaður fyri Sambandsflokkin